स्विफ्ट कारची जोरदार धडक; दोन दुचाकीस्वारांचा मृत्यू

बदनापूर तालुक्यातील सोमठाणा येथील बाबासाहेब परमेश्वर टोंगे (वय 28) आणि ताराचंद उर्फ नंदू छबु राजगिरे (वय 26) अशी मृतांची नावे आहेत. हे दोघे जण खडकवाडी शिवारातील शेतात 17 जूनला गेले होते.

बदनापूर (जालना) -खडकवाडी शिवारातील शेतातून घरी मोटारसायकलवर परतणाऱ्या दोन युवकांवर काळाने झडप घातली. समोरून येणाऱ्या स्विफ्ट कारने जोराची धडक दिल्याने एकाचा जागीच मृत्यू झाला. तर दुसऱ्याला उपचारासाठी नेत असताना रस्त्यादरम्यान त्याचाही मृत्यू झाला. ही घटना सोमठाणा रस्त्यावर 5 वाजेदरम्यान दरम्यान घडली

अपघातग्रस्त वाहन

स्विफ्ट कारची जोरदार धडक -

बदनापूर तालुक्यातील सोमठाणा येथील बाबासाहेब परमेश्वर टोंगे (वय 28) आणि ताराचंद उर्फ नंदू छबु राजगिरे (वय 26) अशी मृतांची नावे आहेत. हे दोघे जण खडकवाडी शिवारातील शेतात 17 जूनला गेले होते. शेतातील काम संपल्यानंतर मोटारसायकलने (क्रमांक एमएच 20. इएन 6895) ते सोमठाणा येथे घरी येण्यासाठी निघाले होते. यावेळी सोमठाणाकडून खडकवाडीकडे येणाऱ्या भरघाव वेगात जाणारी स्विफ्ट कारने (क्र. एमएच 02. जेपी. 6758) जोराची धडक दिली. यावेळी मोटारसायकलवरील बाबासाहेब टोंगे या तरुणाचा जागीच मृत्यू झाला.

हेही वाचा -मोठी दुर्घटना टळली: रेवदंडाजवळ जेएसडब्ल्यूची बार्ज समुद्रात बुडाली, 16 खलाशांना वाचवण्यात यश

घटनेची माहिती मिळताच ग्रामस्थांनी घटनास्थळी धाव घेतली. बाबासाहेब टोंगे व ताराचंद राजगिरे यांना वाहनात टाकून जालना येथील एका खासगी रुग्णालयात घेऊन जात असतांना ताराचंद राजगिरेचाही मृत्यू झाला. यानंतर दोन्ही मृतदेहांचे जालना येथील शासकीय रुग्णालयात दाखल करून शवविच्छेदन करण्यात आले. घटनास्थळी पोलीस निरीक्षक शिवाजी बंटेवाड व पोलीस जमादार ज्योती खरात यांनी भेट देऊन पंचनामा केला.