जालना - तालुक्यातील ग्रामपंचायत निवडणूकीसाठी जिल्हा प्रशासन सज्ज झाले आहे. उद्या येथील ८५ पैकी ८१ जागांसाठी निवडणूक होणार आहे. तर चार ग्रामपंचायत बिनविरोध झाल्या आहेत. तसेच सकाळी ७.३० ते सायंकाळी ५.३० दरम्यान मतदान पार पडणार आहे.
१८ जानेवारीला मतमोजणीला -
उद्या होणाऱ्या मतदान प्रक्रियेसाठी २६१ केंद्रावर मतदान यंत्रे पाठवण्यात आली आहे. तसेच याकरिता १८०० कर्मचारी आणि 20 क्षेत्रीय अधिकाऱ्यांची नियुक्ती करण्यात आली आहे. मतदान झाल्यानंतर औद्योगिक प्रशिक्षण संस्थेमध्ये ही मतदान यंत्रे ठेवण्यात येणार आहे. तर १८ जानेवारीला मतमोजणीला होणार असल्याची माहिती तहसीलदार श्रीकांत भुजबळ यांनी दिली आहे.