हिंगोली - भाजपा सरकारने पाच वर्षांच्या कालावधीत शेतकऱ्यांसाठी घेतलेले सर्व निर्णय धोकादायक आहेत. त्यांचा सर्वाधिक फायदा व्यावसायिकांना आणि उद्योगपतींना होत आहे. हे हिटलरशाहीचे सरकार शेतकऱ्यांसाठी डोकेदुखी ठरत आहे. आम्हाला 'अच्छे दिन नको, निदान जूने तरी दिवस दाखवा', अशी मागणी खासदार राजीव सातव यांनी केली आहे. जिल्हाधिकारी कार्यालयासमोर सातव यांच्या नेतृत्वाखाली 'शेतकरी बचाव, भाजपा सरकार हटाव' आंदोलन करण्यात आले.
भाजपा सरकार सर्वसामान्य जनतेचे आणि शेतकऱ्यांचे मोठ्या प्रमाणात नुकसान करत आहे. अंबानी, अदानी आणि इतर उद्योगपतींना मोठे करण्याचा मोदी सरकारचा डाव आहे. शेतकरी विधेयक हे शेतकऱ्यांसाठी फार मोठी डोकेदुखी बनणार आहे. या विधेयकामुळे शेतकरी माल विक्रीसाठी घेऊन जाऊ शकणार नाही. मोदी सरकारने शेतकऱयांची थट्टा मांडली आहे, असा आरोप सातव यांनी केला.