हिंगोली- आगामी विधानसभा निवडणुकीच्या तोंडावर युती आणि आघाडीमध्ये जोरदार इन्कमिंग आणि आऊटगोईंग सुरू आहे. मात्र या दोन्ही पक्षांकडून इन्कमिंग करणाऱ्यांऐवजी विद्यमान आमदारांवर विश्वास टाकले जात आहेत. युती आणि आघाडीकडून विद्यमान आमदारांनाच पुन्हा संधी दिली आहे.
मागील अनेक दिवसापासून उमेदवारी घोषित होण्याकडे सर्वपक्षीय कार्यकर्त्यांचे व उमेदवारांचे लक्ष लागले होते. अनेक इच्छुक हे विविध पक्षांकडून निवडणूक लढविण्यासाठी गुडघ्याला बाशिंग बांधून होते. मात्र, भाजप, शिवसेना व काँग्रेस पक्षाने आपल्याच विद्यमान आमदारांवर विश्वास दाखवत त्यांनाच पुन्हा उमेदवारी जाहीर केली आहे.