हिंगोली - जिल्हा परिषद कार्यालयातील सार्वजनिक बांधकाम विभागाच्या कार्यालयाची अज्ञात व्यक्तीने तोडफोड केली. ही घटना सोमवारी सायंकाळी घडली. कार्यालयात अचानक तोडफोड करण्यात आल्याने जिल्हा परिषद परिसरात भीतीचे वातावरण निर्माण झाले आहे. याप्रकरणी हिंगोली शहर पोलीस ठाण्यात गुन्हा दाखल करण्यात आला आहे.
सार्वजनिक बांधकाम विभागाच्या कार्यालयाची अज्ञाताकडून तोडफोड
सार्वजनिक बांधकाम विभागात अधिकारी आणि कर्मचारी उपस्थित असताना एक अज्ञात व्यक्ती कार्यालयात घुसला. त्याने कार्यालयाची तोडफोड करण्यास सुरुवात केली. अचानक सुरू झालेल्या या सर्व प्रकाराने कार्यालयातील कर्मचारी गोंधळून गेले.