गोंदिया - अर्जुनी मोरगाव वनपरिक्षेत्रात येणाऱ्या वडेगाव गावात एका विहिरीत पाच वर्षांचा बिबट्या पडल्याची घटना घडली. गावाच्या बाजूला जंगल परिसर असल्याने या ठिकाणी नेहमीच जंगली श्वापदांचा वावर असतो. काल रात्रीच्या सुमारास शेळीची शिकार करण्यासाठी बिबट्या पाठलाग करत होता. यावेळी तो विहिरीत पडला. घटना उघडकीस आल्यानंतर गावकऱ्यांनी तत्काळ वनविभागाला कळवले.
पाच तासांच्या प्रयत्नाने बिबट्या 'रेस्क्यू'; शिकारीदरम्यान पडला विहिरीत
वनअधिकारी व वन विभागाची टीम घटनास्थळी पोहोचल्यावर त्यांनी रेस्क्यू ऑपरेशन सुरू केले. अखेर पाच तासांच्या अथक प्रयत्नांनंतर बिबट्याला विहिरीबाहेर काढण्यात यश आले. काही वेळाने बिबट्याची तपासणी करण्यात आली. यावेळी त्याला कोणतीही इजा झाल्याचे समोर आले नाही. काही वेळाने वनअधिकाऱ्यांनी पुयार या जंगलक्षेत्रात बिबट्याला सोडून दिले.