प्रचाराचा नवीन फंडा: चंद्रपुरात तृतीयपंथी करत आहेत काँग्रेसचा प्रचार

चंद्रपूर लोकसभा क्षेत्राचे काँग्रेस उमेदवार बाळू धानोरकर यांच्या प्रचारासाठी तृतीयपंथीय 'बाळू भाऊ आगे बढो, हम तुम्हारे साथ है' असा नारा लावत ठिकठिकाणी प्रचार करत आहेत.

चंद्रपूर- मतदारांचे लक्ष वेधण्यासाठी उमेदवार वेगवेगळ्या प्रकारे प्रचार करतात. आता चक्क तृतीयपंथीयांनी उमेदवारांचा प्रचार करण्याचा पुढाकार घेतलाय. चंद्रपूर लोकसभा क्षेत्राचे काँग्रेस उमेदवार बाळू धानोरकर यांच्या प्रचारासाठी तृतीयपंथीय 'बाळू भाऊ आगे बढो, हम तुम्हारे साथ है' असा नारा लावत ठिकठिकाणी प्रचार करत आहेत.

सध्या या प्रचाराचा एक व्हिडिओ व्हायरल झाला आहे. मतदारांचे लक्ष आकर्षित करण्यात हा प्रकार चांगलाच यशस्वी झाल्याचे दिसत आहे. समाजातील उपेक्षित घटकाकडून होत असलेला हा प्रचार मनोरंजनात्मक असला तरी तो परिणामही साधताना दिसत आहेत. तृतीयपंथी आजही उपेक्षित आहेत. हा वर्ग आता काँग्रेसचे उमेदवार बाळू धानोरकर यांचा प्रचार करत आहे.