चंद्रपूर- पर्यटकांच्या जिप्सीने वाघाची वाट अडवल्याने वाघोबा चांगलेच नाराज झाले. इतकच नाहीतर चिडलेल्या वाघाने हल्ला करण्याचे संकेतही दिले. यामुळे पर्यटकांची चांगलीच घाबरगुंडी उडाली. ताडोबा व्याघ्र प्रकल्पात ९ फेब्रुवारीला हा थरार पाहायला मिळाला.
मटकासुर, असे या वाघाचे नाव आहे. ९ फेब्रुवारीला पर्यटक जंगल सफारीसाठी गेले होते. त्यावेळी दोन जिप्सींनी वाघोबाची वाट अडवली. वाघोबाला जायला रस्ता नसल्याने ते चांगलेच बिथरले. पण, वाघाने जिप्सीवर हल्ला केला नाही. त्यामुळे मोठी दुर्घटना टळली. तसेच ही घटना ताडोबा व्याघ्र प्रकल्प परिसरातील तलावाजळवचा असल्याचे ताडोबा अंधारी व्याघ्रप्रकल्पाचे संचालक एन. प्रवीण यांनी सांगितले.