बुलडाणा- विद्यार्थ्यांना घेऊन मोताळा येथून चिंचखेडकडे निघालेल्या चालत्या एसटी बसचे स्टेअरिंग रॉड तुटल्याने बस अनियंत्रित होऊन रस्त्याच्या कडेला असलेल्या बांधावर चढल्याने अपघात घडला. या अपघातात एसटी बस मधील 23 प्रवाशांसह विद्यार्थी जखमी झाले आहेत. हा अपघात पिंपळगाव राजा नजीक घडला असून सर्व जखमींवर बुलडाणा येथील सामान्य रुग्णालयात उपचार सुरू आहेत.
अपघातग्रस्त एसटीबस
बुलडाणा जिल्ह्यातील मलकापूर आगारातील एसटी बस (क्र. एम एच 06 ए एस 8037) ही मोताळ्याहून चिंचखेडकडे विद्यार्थ्यांना घेऊन जात होती. त्यावेळी खामगाव तालुक्यातील पिंपळगाव राजानजीक स्टेरिंगचे रॉड अचानक तुटल्याने चालकाचे बसवरील नियंत्रण सुटले. यात बस रस्त्याच्या कडेला असलेल्या बांधावर जाऊन धडकली. या अपघातात बसमधील 45 प्रवाशांपैकी 23 जण जखमी झाले आहेत.