बीड -जिल्ह्यातील धारूर तालुक्याला अवकाळी पावसाने चांगलेच झोडपून काढले आहे. दुपारी झालेल्या अवकाळी पावसामुळे नदी आणि नाले तुडुंब भरून वाहत आहेत. नद्यांना पूर आला आहे. धारूर तालुक्यातील अनेक भागात आज दुपारनंतर अवकाळी पाऊस झाला. यामुळे तालुक्यातील आवरगाव, पांगरी, हसणाबाद, भोगलवाडी, थेटेगव्हाण येथील अनेक नद्यांना पुर आला आहे. तर नद्या, नाल्या, ओढे हे दुथडी भरून वाहत आहेत. या अवकाळी पावसादरम्यान मोठ्या प्रमाणात वादळी वारे व विजांचा कडकडात पाहायला मिळाला. धारूर शहरातील बस स्थानक परिसरात सखल भागात मोठ्या प्रमाणात पाणी साचले होते. झालेल्या पावसामुळे फळपिकांचे मोठे नुकसान झाले आहे. याशिवाय गावरान आंब्याला अवकाळी पावसाचा मोठा तडाखा बसला आहे.
पाऊस
नुकसानभरपाईची मागणी -