औरंगाबाद - महाराष्ट्रात रविवारी वटपोर्णिमेचा सण साजरा केला जाणार आहे. या सणाला पत्नी आपल्या पतीच्या दिर्घायुष्यासाठी पिंपळाच्या झाडाची पुजा करून जन्मोजन्मी हाच पती मिळावा, अशी प्रार्थना करते. मात्र, औरंगाबाद येथे पत्नीपीडित पतींनी अनोखं आंदोलन छेडलं आहे. येथील वाळूज परिसरात पिंपळाच्या झाडाला प्रदक्षिणा घालून पुरुषांनी पुढच्या जन्मी, अशी पत्नी नको, अशी मनोकामना यमराजाकडे केली आहे.
'यमराज लबाड बायकांना सेवा मुक्त कर', औरगांबादेत पत्नीपीडितांचं अनोखं आंदोलन
कधीकधी महिलांच्या चुकीची शिक्षा पुरुषांना भोगावी लागते. त्यात कायदेदेखील फक्त महिलांच्या बाजूने असल्याने पुरुषांचे म्हणणे कोणी ऐकत नाही, असा आरोप पत्नी पीडित संघटनेकडून केला गेला आहे.
'यमराज लबाड बायकांना सेवा मुक्त कर', औरगांबादेत पत्नीपीडितांचं अनोखं आंदोलन
गेल्या काही वर्षांपासून औरंगाबाद शहरात पुरुषांच्या हक्कासाठी पत्नी पीडित पुरुष संघटना आंदोलन करत आहेत. नवरा - बायको समान असल्याचा दावा केला जातो. मात्र, त्यांच्यात भांडण झालं की चूक कोणाची का असेना शिक्षा मात्र पुरुषांना मिळते. कधीकधी महिलांच्या चुकीची शिक्षा पुरुषांना भोगावी लागते. त्यात कायदेदेखील फक्त महिलांच्या बाजूने असल्याने पुरुषांचे म्हणणे कोणी ऐकत नाही, असा आरोप पत्नी पीडित संघटनेकडून केला गेला आहे.
औरगांबादेत पत्नीपीडितांचं अनोखं आंदोलन
रविवारी वटसावित्री पौर्णिमा आहे. यादिवशी महिला वडाची पूजा करून आपल्या नवऱ्याच्या चांगल्या स्वास्थाची मनोकामना करतात. जन्मोजन्मी हाच नवरा मिळावा, अशी मनोकामना करतात. मात्र, या जन्मी नवऱ्याला छळणाऱ्या बायकांचं ऐकू नको त्या खोटं बोलत आहेत. या जन्मी नाही, तर पुढच्या जन्मीतरी, अशी बायको देऊ नको, अशी मनोकामना करण्यासाठी पत्नीपीडित पुरुष संघटनेने औरंगाबादच्या वाळूज परिसरात पिंपळाच्या झाडाला दोरा बांधत प्रदक्षिणा घातल्या आणि यमराजाकडे आपलं मनोगत व्यक्त करत आहेत.
सरकारने पुरुषांच्या हक्कासाठी कायद्यात बदल करावा, अशी मागणी आंदोनकर्त्यांनी यावेळी केली.