Truck-Bike Accident On Pune Highway: पुणे महामार्गावर ट्रक-दुचाकीच्या अपघातामध्ये दोन मित्रांचा जागीच मृत्यू

पुणे महामार्गावरील भेंडाळा फाट्याजवळ ट्रक दुचाकीच्या भीषण अपघात झाला. यामध्ये दोन महाविद्यालयीन तरुणांचा मृत्यू झाला. हे दोघे चांगले मित्र होते. ही घटना बुधवार (दि. 3 ऑगस्ट)रोजी घडली.

गंगापूर (औरंगाबाद) -पुणे महामार्गावरील भेंडाळा फाट्याजवळ ट्रक दुचाकीच्या भीषण अपघात झाला. यामध्ये दोन महाविद्यालयीन तरुणांचा मृत्यू झाला. हे दोघे चांगले मित्र होते. ही घटना बुधवार (दि. 3 ऑगस्ट)रोजी घडली. पोलिसांनी दिलेल्या माहितीनुसार बुधवार दि 3 रोजी सकाळी सहा वाजेच्या सुमारास दुचाकी क्र. एम. एच. 20 ई. एक्स 6048 या मोटारसायकल वर बसून आदित्य रामभाऊ सुंभ (22) रा मांजरी, यश नयन शेंगुळे (22) रा जयसिंग नगर हे दोघे औरंगाबादच्या दिशेने निघाले होते.

दोन्ही जिवलग मित्रांचा जागेवर मृत्यू - भेंडाळा फाट्याजवळ नाशिककडून हैदराबादकडे निघालेला ट्रक क्रमांक के. ए. 56 4123 या ट्रकला त्यांच्या दुचाकीची जोराची धडक बसली. या भीषण अपघातामध्ये यश व आदित्य या दोन्ही जिवलग मित्रांचा जागेवर मृत्यू झाला.

उच्च शिक्षणाकचा ध्यास घेतलेल्या जिवलग मित्राच्या मृत्यूने गावात हळहळ -अपघातात झालेल्या दोन जिवलग मित्राच्या मृत्यूने गावात हळहळ व्यक्त होत आहे.या घटनेची माहिती मिळताच गंगापूर पोलीस स्टेशन चे कर्मचारी राहुल वडमारे व सहकारी घटनास्थळी दाखल झाले.व रुग्णवाहिका चालक तसेच स्थानिकांच्या मदतीने दोघा मुलांचे मृतदेह गंगापूर उपजिल्हा रुग्णालय येथे पाठवन्यात आले.या घटनेमुळे गंगापूर तालुक्यासहित मांजरी तसेच यश याचे मूळ गाव भिवधानोरा परिसरामध्ये हळहळ व्यक्त केली जात आहे.

हेही वाचा -Elections To Local Bodies: जुन्या प्रभाग रचनेनुसारचं स्थानिक स्वराज्य संस्थांच्या निवडणुका; शिंदे सरकारचा निर्णय