औरंगाबाद -भाजपमध्ये ओबीसींवर अन्याय होतो, असे मला वाटत नाही. राज्यात सर्वाधिक ओबीसी मंत्री युतीच्या काळात होते, असे मत रासप अध्यक्ष महादेव जानकर यांनी व्यक्त केले आहे. त्यासोबतच, पंकजा मुंडे या कायम भाजपमध्येच राहणार असल्याचा विश्वासही त्यांनी व्यक्त केला आहे.
भाजपत ओबीसींवर अन्याय होतो असे मला वाटत नाही - महादेव जानकर
"आज भाजप सत्तेत नाही म्हणुन आम्ही त्यांना सोडून जाणार नाही. रासपचा एकच आमदार आहे. आमच्या पाठिंब्याने कोणाची सत्ता येणार किंवा जाणार नाही. मात्र, आम्ही दिलेला शब्द पाळतो, त्यामुळे रासप भाजप सोबतच राहील" असेही जानकर यांनी यावेळी स्पष्ट केले आहे.