औरंगाबाद (कन्नड) - तालुक्यातील आमदाबाद व नाचनवेल या दोन गावांच्या शीवहद्दीत झाडावर बिबट्या मृतावस्थेत आढळून आला आहे. मंगलसिंग राजपूत यांच्या शेतात लिंबाच्या झाडावर हा बिबट्या आढळून आला आहे. वन विभागाच्या अखत्यारीतील फॉरेस्टीलगत हे क्षेत्र असून, या रस्त्याने जाणाऱ्या शेतकऱ्यांना बिबट्याचे झाडावर लटकलेले शव निदर्शनास आले. घटनेची शहानिशा करण्यासाठी वनविभागाकडून याठिकाणी कर्मचारी पाठवण्यात आल्याचे सांगण्यात आले.
आठवड्यापूर्वी एक बिबट्या जेरबंद (Dead leopard in kannad talika)
कन्नड परिसरात सहा दिवसांपूर्वी पुंडलिक बनकर यांच्या शेतात बिबट्या शिकार करताना विहिरीत पडला होता. या बिबट्याला सुखरूप बाहेर काढण्यात आले होते. पोलीस व वनविभाग यांनी राबविलेल्या संयुक्त मोहिमेत बिबट्याचे प्राण वाचवण्यात यश आले होते.