आमदार सावेंच्या शपथविधीनंतर औरंगाबादमध्ये भाजप कार्यकर्त्यांचा जल्लोष

राज्य मंत्रिमंडळाच्या विस्तारात औरंगाबाद पूर्व मतदारसंघाचे आमदार अतुल सावे यांची वर्णी लागली. भाजप कार्यकर्त्यांनी ठिकठिकाणी पेढे वाटत फटाके फोडून जल्लोष साजरा केला आहे.

औरंगाबाद - आज झालेल्या राज्य मंत्रिमंडळाच्या विस्तारात औरंगाबाद पूर्व मतदारसंघाचे आमदार अतुल सावे यांची वर्णी लागली. सावेंच्या शपथविधीनंतर शहरातील भाजप कार्यकर्त्यांनी ठिकठिकाणी पेढे वाटत फटाके फोडून जल्लोष साजरा केला आहे.

नारळीबाग येथील त्यांच्या घराबाहेर कार्यकर्त्यांनी ढोल ताशाच्या तालावर ठेका धरला. जल्लोषाचे वातावरण शहरातील अनेक चौकात पाहायला मिळाले आहे. कुठे फटाके फोडून तर कुठे पेढे वाटून जल्लोष साजरा करण्यात आला आहे.