अमरावती - शिवसेना, भाजप आणि रिपाइंचे अधिकृत उमेदवार म्हणून खासदार आनंदराव अडसूळ आज उमेदवारी अर्ज दाखल करणार आहेत. युवासेना प्रमुख आदित्य ठाकरे यांच्या उपस्थितीत इर्विन चौक ते जिल्हाधिकारी कार्यालयापर्यंत मिरवणुकीद्वारे अडसूळ उमेदवारी अर्ज दाखल करण्यासाठी येणार आहेत.
बेलोर विमानतळावर आदित्य ठाकरे यांचे आगमन होताच बाईक रॅलीद्वारे ते अमरावती शहरात पोहोचतील. त्यानंतर आदित्य ठाकरे इर्विन चौक येथे पोहोचणार आहेत. इर्विन चौक येथे डॉ. बाबासाहेब आंबेडकर यांच्या पुतळ्याला अभिवादन केल्यावर रॅली जिल्हाधिकारी कार्यालयाकडे निघणार आहे.
शिवसेना नेते अनिल देसाई, जिल्ह्याचे पालकमंत्री प्रवीण पोटे, आमदार डॉ. सुनील देशमुख, शिवसेना नेते अनिल देसाई, आमदार रमेश बुंदीले, आममदार प्रभूदास भिलावेकर, आमदार अनिल बोंडे, माजी आमदार अभिजित अडसूळ, भाजपचे जिल्हा प्रमुख प्रा. दिनेश सुर्यवंशी, शिवसेनेचे जिल्हा प्रमुख सुनील खराटे, शहर प्रमुख प्रशांत वानखडे यांच्यासह भाजप, शिवसेना आणि रिपाइंचे पदाधिकारी कार्यकर्ते या रॅलीत सहभागी होणार असल्याची माहिती अडसूळ यांच्यावतीने देण्यात आली आहे.