अमरावतीच्या उत्तमसरा येथील कोरड्या विहिरीत आढळला कोब्रा साप; रेस्क्यू करून काढले बाहेर

सर्पमित्र व वसा संस्थाचे प्रशिक्षक एनिमल्स रेस्क्युअर भूषण सायंके यांना यासंदर्भात माहिती दिली. तात्काळ सायंके यांनी वसाच्या 60 फूट खोल विहिरीतून शास्त्रीय पद्धतीने या कोब्रा सापाला बाहेर काढले.

अमरावती- जिल्ह्यातील भातकुली तहसील अंतर्गत येणाऱ्या उत्तमसरा गावामध्ये एका शेतातील 60 फूट कोरड्या विहिरीच्या खोलीकरणाचे काम चालू असतान एक कोब्रा साप आढळून आला. त्यानंतर त्याला रेस्क्यू करून विहिरीबाहेर काढण्यात आले.

उत्तमसहा गावातील एका विहिरीचे खोलीकरणाचे काम चालू होते. त्यावेळी कोब्रा साप आढळून आला. घाबरलेल्या मजुरांनी तात्काळ विहिरीबाहेर येत सर्पमित्र व वसा संस्थाचे प्रशिक्षक एनिमल्स रेस्क्युअर भूषण सायंके यांना यासंदर्भात माहिती दिली. तात्काळ सायंके यांनी वसाच्या 60 फूट खोल विहिरीतून शास्त्रीय पद्धतीने या कोब्रा सापाला बाहेर काढले.