अकोला- भरधाव दुचाकी दुभाजकावर आदळून एकाचा मृत्यू झाल्याची घटना घडली आहे. तर 1 जण गंभीर जखमी झाला आहे. ही घटना आज रविवारी दुपारी राष्ट्रीय महामार्गावरील रिधोरा जवळ घडली. किरण रमेश पवार, असे अपघातात ठार झालेल्या व्यक्तीचे नाव आहे. तर शेख अब्दुल्ला अब्दुल सत्तार असे गंभीर जखमी झालेल्या व्यक्तीचे नाव आहे. जखमीवर अकोल्यातील शासकीय रुग्णालयात उपचार सुरू आहेत.
हेही वाचा -शिवणीत अवैधरित्या गर्भपात करणाऱ्या डॉक्टरसह परिचारिका व दलालाला अटक
किरण पवार व शेख अब्दुल्ला अब्दुल सत्तार हे दोघे हॉटेल जलसा येथे लग्न संभारंभासाठी जात होते. त्यावेळी दुचाकीवरील नियंत्रण सुटल्याने मोटरसायकल दुभाजकावर जाऊन आदळली. यात किरण पवार यांचा जागीच मृत्यू झाला.
हेही वाचा -अकोटमध्ये आढळला दुर्मीळ मांडूळ, पोलिसांनी केले वनविभागाकडे सुपूर्द
घटनेची माहिती मिळताच स्थानिक पोलिसांसह माहामार्ग पोलिसांनी घटनास्थळ गाठून मृताचा मृतदेह शवविच्छेदनासाठी पाठवला. तर जखमी शेख अब्दुला यास सर्वोपचार रुग्णालयात दाखल करण्यात आले. दरम्यान, घटनास्थळी वाहतूक कोंडी झाली होती. पोलिसांनी ही वाहतूक सुरळीत केली.