अहमदनगर- शिर्डी नगरपंचायतच्या पाणी साठवण तलावातून शेजारी असलेल्या विहीर मालकाने त्याच्या विहिरीत आडवा बोर मारत पाणी चोरल्याची घटना समोर आली आहे. या व्यक्तीच्या विरोधात शिर्डी पोलीस ठाण्यात पाणी चोरीचा गुन्हा दाखल करण्यात आला आहे.
शिर्डीत पाणी चोरी
पाणी साठवण तलावाची पाणी पातळी खाली गेल्याचे कर्मचाऱ्यास लक्षात आले. त्यानंतर तपास केला असता ही बाब समोर आली असल्याचे नगरपंचायतचे मुख्यअधिकारी सतिषे दिघे यांनी सांगितले. या संदर्भात दिघे यांनी शिर्डी पोलिस ठाण्यात तक्रार दिली असून शिर्डी पोलिसांनी विठ्ठल दाभाडे यांच्या विरोधात पाणी चोरीचा गुन्हा दाखल करत आरोपीस अटक करण्यात आले आहे.