अहमदनगर - जिल्हा परिषदेच्या अध्यक्ष शालिनीताई विखे आणि उपाध्यक्षा घुले यांचा कार्यकाळ शुक्रवार (दि.२०) रात्री १२ वा. संपला आहे. यामुळे या दोन्ही पदासाठी नव्याने 'सर्व साधारण महिला उमेदवार' या प्रवर्गातून ही निवडणूक मंगळवार दिनांक ३१ डिसेंबरला जिल्हा परिषदेच्या शिवाजी महाराज सभागृहात होणार आहे.
हेही वाचा - शेतकरी कर्जमाफीची घोषणा लांबणीवर? जाणून घ्या 'काय' म्हणाले नवाब मलिक...
जिल्हा परिषदेच्या अध्यक्षा आणि उपाध्यक्षांच्या कार्यकाळाची मुदत शुक्रवार दिनांक २० डिसेंबरला संपुष्टात आली. यानंतर १० दिवसाच्या आत नव्याने अध्यक्ष आणि उपाध्यक्षांची निवड होणे आवश्यक असते. त्यानुषंगाने अहमदनगर जिल्हा परिषद अध्यक्ष आणि उपाध्यक्ष पदाची निवडणूक ही मंगळवार दिनांक ३१ डिसेंबरला जिल्हा परिषदेच्या शिवाजी महाराज सभागहात होणार आहे. यावेळी ११ ते १ यावेळेत पीठसन अधिकारी यांच्याकडे उमेदवारी अर्ज भरण्यात येणार आहे. त्याच दिवशी दुपारी ३ वाजता छाननी झाल्यानंतर माघारी घेण्याची प्रक्रिया होणार आहे. यानंतर अध्यक्ष आणि उपाध्यक्ष या दोन्ही पदासाठी निवडणूक होणार आहे.
हेही वाचा - CAA protest: उत्तरप्रदेशात हिंसक आंदोलनात ५ जणांचा मृत्यू; तर ८ जण गोळीबारात जखमी