अहमदनगर - संगमनेर तालक्यातील पुणे-नाशिक राष्ट्रीय महामार्गावरील चंदनापुरी घाटात टेम्पो ट्रॅव्हलर बसने अचानक पेट ( burn the tempo traveler bus at Chandanpuri Ghat ) घेतला. या आगेत टेम्पो ट्रॅव्हलर बस जळुन खाक झाली. ही घटना शनिवार 28 मे रोजी सकाळी साडेसात ते पावणे आठ वाजेच्या दरम्यान घटना घडली आहे.
चंदनापुरी घाटात धावती बस जळून खाक
शिर्डीवरुन संगमनेर मार्गे भीमाशंकरला दहा प्रवासी घेऊन चाललेली बस ( क्रमांक एम एच 12 के आर 0434 ) ही शनिवारी सकाळी चंदनापुरी घाटात आली असता अचानक गरम झाली. चालकाच्या लक्षात येताच त्याने बस रस्त्याच्या बाजूला घेतली व प्रवाश्यांना बसमधून खाली उतरण्याची सुचना केली. त्याचदरम्यान बसने अचानक पेट घेतला. व थोड्याच वेळात आगीने रौद्ररूप धारण केले. केवळ दैव बलवत्तर असल्याने तसेच चालकाच्या प्रसंगावधानामुळे बसमधील सर्व प्रवासी सुखरूप आहेत.