अहमदनगर - राहुरी पोलीस ठाण्यात न्यायालयीन कोठडीत असलेल्या वृद्ध आरोपीने, जामीन होत नसल्याने, चमचाने स्वत:चे पोट फाडून कोठडीतच आत्महत्या करण्याचा प्रयत्न केला. यामुळे खळबळ उडाली. गणपत भाऊराव तुपे असे त्या आरोपीचे नाव आहे.
'ईटीव्ही भारत'ला मिळालेल्या माहितीनुसार, गणपत तुपे (वय. ७८, रा.वांबोरी ता. राहुरी) याला भादंवि कलम ३०७, ३५४ (अ), ५०४ या गुन्ह्यात न्यायालयीन कोठडी सुनावण्यात आली आहे. त्याला राहुरी पोलीस ठाण्यामध्ये ठेवण्यात आले होते. तो मागील अनेक दिवसांपासून जामीन मिळवण्यासाठी प्रयत्नात होता. पण त्याला जामीन मिळत नव्हता.
जामीन होत नसल्यामुळं आरोपीनं कोठडीतचं चमच्यानं फाडलं स्वत:चं पोट..