इंडियन वेल्स (अमेरिका) - जागतिक क्रमवारीत दुसऱ्या स्थानी असलेल्या राफेल नदालने सर्बियाच्या फिलीप क्राजोनोव्हिकवर ६-३, ६-४, अशी मात करत इंडियन वेल्स एटीपी मास्टर्सच्या उपांत्यपूर्व फेरीत धडक मारली आहे. उपांत्यपूर्व फेरीत नदालचा सामना हा करेनसोबत होणार आहे.
नदालसोबत रॉजर फेडररनेही ब्रिटनच्या कायले एडमंडवर मात करत उपांत्यपूर्व फेरी गाठली आहे. उपांत्य फेरीत पोहोचण्यासाठी फेडररसमोर पोलंडच्या ह्यूबर्ट हर्कजचे आव्हान असणार आहे.
या स्पर्धेत टेनिसच्या जागतिक क्रमवारीत अव्वल असलेल्या नोव्हाक जोकोविच आणि नाओमी ओसाका यांचा तिसऱ्याच फेरीत धक्कादाय पराभव झाला होता. त्यामुळे त्यांचे स्पर्धेतील आव्हान संपुष्टात आले आहे.