रोम -अव्वल मानांकित सर्बियाचा नोव्हाक जोकोविच आणि स्पेनचा राफेल नदाल यांनी इटालियन ओपन पुरुष एकेरीच्या उपांत्यपूर्व फेरीत प्रवेश केला. जोकोविचने शुक्रवारी फिलिप क्राजिनोविचला ७-६ (७), ६-३ असे सरळ सेटमध्ये नमवत १४व्यांदा स्पर्धेच्या अंतिंम-८मध्ये प्रवेश नोंदवला.
या सामन्यानंतर, जोकोविच म्हणाला, "मी आतापर्यंत खेळलेला हा सर्वात मोठा सेट आहे. मला वाटते, की तुमचा सर्वात चांगला मित्र असलेल्या व्यक्तीविरुद्ध खेळणे कधीही सोपे नाही. पहिला सेट वेगळ्या प्रकारे खेळला जाऊ शकला असता. फिलिप कदाचित मानसिक आणि शारीरिकदृष्ट्या मागे होता आणि मी संधींचा फायदा घेतला."