रोम -इटलीची लीग सेरी-एचा 2020-21 हंगाम यावर्षी 19 सप्टेंबरपासून सुरू होणार आहे. तर, या हंगामाची शेवटची तारीख 23 मे 2021 अशी आहे. सेरी -एच्या बहुतेक क्लब-संघांनी या तारखेबाबत सहमती दर्शवली आहे.
सेरी-एचा 2019-20 हंगाम रविवारी संपुष्टात आला. या हंगामात जुव्हेंटसने विजेतेपद मिळवले. जुव्हेंटसने हे सलग नववे विजेतेपद मिळवले आहे. तर, इंटर मिलान संघ दुसर्या क्रमांकावर राहिला. कोरोना व्हायरसच्या साथीमुळे 2019-20 चा हंगाम तीन महिन्यांसाठी पुढे ढकलण्यात आला होता.