मुंबई -बीसीसीआयने आज आयपीएल 2021 च्या संदर्भात मोठी घोषणा केली आहे. आता आयपीएल 2021 च्या सामन्याचा आनंद प्रेक्षक मैदानावर उपस्थित राहून घेऊ शकतील. बीसीसीआयने प्रेक्षकांना मैदानावर येण्याची परवानगी दिली आहे.
आयपीएल 2021 चे दुसरे सत्र यूएईमध्ये खेळवण्यात येत आहे. या सत्राला 19 सप्टेंबरपासून सुरूवात होणार आहे. मुंबई इंडियन्स आणि चेन्नई सुपर किंग्ज यांच्यातील सामन्याने या सत्राला सुरूवात होणार आहे. या सत्रात मैदानावर उपस्थित राहून सामना पाहण्याची परवानगी प्रेक्षकांना मिळाली आहे. पण त्यांना कोरोना प्रोटोकॉलच्या नियमांचे पालन करावे लागणार आहे.
कोरोनामुळे आयपीएल 2021 चा, भारतातील हंगाम मध्यातून स्थगित करण्यात आला होता. हे सत्र विनाप्रेक्षक खेळवण्यात आले होते. पण आता उर्वरित हंगामाला पुन्हा सुरूवात होणार आहे.