मुंबई - राजस्थान रॉयल्सचा युवा गोलंदाज चेतन सकारियाने पंजाब किंग्जविरुद्धच्या सामन्यातून आयपीएलमध्ये डेब्यू केला. पदार्पणाच्या सामन्यात सकारियाने ३ गडी बाद करत आपली छाप सोडली. पण, राजस्थानचा या सामन्यात अवघ्या ४ धावांनी पराभव झाला. यादरम्यान, सकारियाचा एक व्हिडिओ व्हायरल होत असून यात तोबॉलीवूड अभिनेत्री अनन्या पांडेसोबत डेटवर जाण्याची इच्छा व्यक्त करताना पाहायला मिळत आहे.
राजस्थान रॉयल्स संघाने आपल्या अधिकृत ट्विटर अकाउंटवर एक व्हिडिओ शेअर केला आहे. या व्हिडिओत वेगवान गोलंदाज आकाश सिंग आणि चेतन सकारिया हे दोघे मजेदार पद्धतीने एकमेकांची मुलाखत घेताना पाहायला मिळत आहेत. या मुलाखतीत आकाश सिंगने चेतनला कोणत्या बॉलिवूड अभिनेत्रीसोबत डेटवर जायची इच्छा आहे? असे विचारले असता सकारियाने अनन्या पांडेचे नाव घेतले. तो म्हणाला की, 'अनन्या ही खूपच सुंदर असून मी तिच्यासोबत एखाद्या समुद्र किनाऱ्यावर बसून कॉफीचा आनंद घेऊ इच्छित आहे.'