चेन्नई -एम.ए. चिदंबरम स्टेडियमवर झालेल्या दुसर्‍या कसोटी सामन्यात भारताने इंग्लंडला ३१७ धावांनी पराभूत केले. कसोटी इतिहासातील भारताचा हा पाचवा सर्वात मोठा विजय ठरला. दुसर्‍या कसोटीत भारताने इंग्लंडला विजयासाठी ४८२ धावांचे लक्ष्य दिले होते. प्रत्युत्तरात इंग्लंडचा संघ १६४ धावांवर आटोपला.
तत्पूर्वी, २०१५-१६ मध्ये दिल्ली येथे झालेल्या कसोटी सामन्यात भारताने दक्षिण आफ्रिकेविरूद्ध ३३७ धावांनी विजय साकारला होता. धावांच्या बाबतीत हा कसोटी इतिहासातील भारताचा सर्वात मोठा विजय आहे. याखेरीज २०१६-१७मध्ये न्यूझीलंडविरुद्ध झालेल्या सामन्यात टीम इंडियाने ३२१ धावांनी विजय मिळविला, हा त्यांचा दुसरा सर्वात मोठा विजय आहे.