कोलकाता - 2020 मध्ये होणाऱ्या आयपीएलच्या तेराव्या हंगामासाठी सध्या खेळाडूंचे लिलाव सुरू आहेत. आत्तापर्यंत लिलावात परदेशी खेळाडूंना कोट्यवधी रुपयांची किंमत मिळाली आहे. मात्र, भारतातील युवा खेळाडूंनीही आयपीएल लिलावात बाजी मारली आहे. अंडर-19 संघाचा कर्णधार प्रियम गर्ग, यशस्वी जयस्वाल, विराट सिंह या युवा खेळाडू मालामाल झाले आहेत.
सतरा वर्षीय मुंबईकर खेळाडू यशस्वी जयस्वाल याला राजस्थान रॉयल्स संघाने 2.40 कोटी रुपये मोजत आपल्या संघात घेतले. यशस्वी जयस्वाल हा विजय हजारे ट्रॉफीमध्ये कमी वयात द्विशतकी खेळी केल्याने चर्चेत आला. जानेवारी महिन्यामध्ये होणाऱ्या अंडर-19 वर्ल्ड कप संघातही त्याला स्थान मिळाले आहे.