कोलंबो - इंग्लंडमध्ये कोरोनाचा नवा प्रकार आढळून आला आहे. अशात इंग्लंडचा संघ श्रीलंकेच्या दौऱ्यावर पोहोचला आहे. तेव्हा श्रीलंकेमध्ये इंग्लंड खेळाडूंसह त्यांच्या साहित्याला विमातळावर सॅनिटायईज करण्यात आले. याचा व्हिडिओ सोशल मीडियावर व्हायरल होत आहे.
इंग्लंड खेळाडूंची श्रीलंका दौऱ्याला जाण्याआधी कोरोना चाचणी करण्यात आली. यात सर्व खेळाडू निगेटिव्ह आले. त्यानंतर इंग्लंडचा संघ श्रीलंकेला जाण्यासाठी रवाना झाला. आज रविवारी सकाळी इंग्लंडचा संघ श्रीलंकेत दाखल झाला आहे. विमानतळावर उतरल्यानंतर तिथे पीपीई कीट घालून तैनात असलेल्या कर्मचाऱ्यांनी इंग्लंडच्या क्रिकेटपटूंना एका रांगेत उभे करुन त्यांना सॅनिटाईज केले. तसेच काही कर्मचारी खेळाडूंचे सामान घेऊन सॅनिटाईज करताना पाहायला मिळाले. त्यानंतर विमानतळावर सर्व खेळाडूंची कोरोना चाचणी करण्यात आली.