कराची -पाकिस्तानचा दिग्गज फिरकीपटू सकलेन मुश्ताकने काही दिवसांपूर्वी भारताचा माजी क्रिकेटपटू महेंद्रसिंह धोनीची स्तुती केली होती. यूट्यूबवर एका व्हिडिओद्वारे मुश्ताकने धोनीबद्दल आपल्या प्रतिक्रिया दिल्या होत्या. या प्रशंसेमुळे पाकिस्तान क्रिकेट बोर्डाने (पीसीबी) मुश्ताकला फटकारले आहे.
माध्यमांच्या वृत्तानुसार, पीसीबीने सकलेन मुश्ताकला तो बोर्डाचा कर्मचारी असल्याची आठवण करून दिली आहे. यूट्यूबवर असा व्हिडिओ टाकण्यास मनाई असल्याचे पीसीबीने त्याला कळवले आहे. सकलेन मुश्ताक सध्या पीसीबीच्या 'हाय परफॉरमन्स सेंटर'मध्ये आंतरराष्ट्रीय खेळाडूंच्या विकास विभागाचा प्रमुख आहे.