वेलिंग्टन - क्रिकेट हा अनिश्चिततेचा खेळ आहे. यामध्ये अनेकदा विक्रम बनतात आणि मोडतात. पण, यात काही आश्चर्यजनक विक्रमाची नोंद देखील होते. असा एक विक्रम आज (गुरुवार) न्यूझीलंडमध्ये झाला.
न्यूझीलंडच्या संघातून खेळणाऱ्या रोजमेरी मेयर या महिला क्रिकेटपटूने स्थानिक सामन्यात एक धडाकेबाज पराक्रम करून दाखवला आहे. सद्या न्यूझीलंडमध्ये श्रीम्प्टन चषक जिल्हास्तरीय क्रिकेट स्पर्धा सुरू आहे. या स्पर्धेत रोजमेरीने डबल हॅटट्रिकची नोंद केली. विशेष म्हणजे आतापर्यंत अशी कामगिरी कुणालाही करता आलेली नाही. स्पर्धेत दोन सामन्यात हॅटट्रिक केल्याने अशी कामगिरी करणारी ती पहिलीच ठरली आहे.