शारजाह - दिल्ली कॅपिटल्स आणि चेन्नई सुपर यांच्यातील सामना रंगतदार झाला. या सामन्यात एक मजेशीर घटनाही पाहायला मिळाली. ऋषभ पंत या सामन्यात प्रशिक्षक रिकी पाँटिंगची नक्कल करताना पाहायला मिळाला.
घडलं असं की, रिकी पाँटिग सामना चालू असताना मुलाखत देत होता. त्यावेळी पंत पाँटिगच्या मागे उभा राहून पाँटिंगची नक्कल करत होता. ही बाब पाँटिंगच्या लक्षात आली, तेव्हा तो देखील हसू लागला. याचा व्हिडीओ सद्या सोशल मीडियावर व्हायरल होत आहे.
याच सामन्यादरम्यान, फाफ डू प्लेसिस आणि कागिसो रबाडा यांची एकमेकांना धडक झाली. यानंतर दोघांनी एकमेकांची गळाभेट घेतली. हा क्षण देखील मजेशीर होता. तर, ऋषभ पंतला दुखापत झाली आहे. यामुळे तो काही आठवडे खेळू शकणार नाही.