मुंबई - अफगाणिस्तान क्रिकेट संघाचा सलामीवीर नजीब ताराकाई याचे आज निधन झाले. अफगाणिस्तान क्रिकेट बोर्डाने याची माहिती ट्विटरवरून दिली. नजीबच्या निधनाने अफगाणिस्तानसह आंतरराष्ट्रीय क्रिकेटला मोठा धक्का बसला आहे. नजीबचा शुक्रवारी भीषण अपघात झाला होता. या अपघातानंतर तो कोमात गेला होता.
शुक्रवारी (ता. २ ) अफगाणिस्तानच्या नांगरहार येथील बाजारामध्ये सामनाची खरेदी करून रस्ता पार करण्यासाठी निघालेल्या नजीबला एका वेगाने येणाऱ्या कारने धडक दिली होती. अपघातानंतर त्याच्यावर उपचार सुरू होते. यात त्याची सर्जरी करण्यात आली होती. या दरम्यान, तो कोमामध्ये गेला होता. डॉक्टरांनी त्यांची प्रकृती चिंताजनक असल्याचे सांगितले होते. आज त्याने रुग्णालयात अखेरचा श्वास घेतला.