मोठ्या पडद्यावर झळकणार 'खुदा हाफिज'चा सीक्वल

खुदा हाफिज हा चित्रपट अलिकडे ओटीटी प्लॅटफॉर्मवर रिलीज झाला. त्याला प्रचंड प्रतिसाद मिळत आहे. खरंतर हा चित्रपट थिएटरमध्ये कोरोनाच्या संसर्गामुळे रिलीज होऊ शकला नाही. परंतु 'खुदा हाफिज चॅप्टर -२' या चित्रपटाचा सिक्वेल मोठ्या पडद्यावर प्रदर्शित करण्याची योजना आहे. हा चित्रपट थिएरमध्ये रिलीज करण्याची तयारी निर्मात्यांनी केली आहे.

मुंबई - अभिनेता विद्युत जामवाल हा नुकताच प्रदर्शित झालेल्या खुदा हाफिजच्या चित्रपटाच्या दुसऱ्या भागात दिसणार आहे. इतकेच नाही तर 'खुदा हाफिज चॅप्टर -२' या चित्रपटाचा सिक्वेल मोठ्या पडद्यावर प्रदर्शित करण्याची योजना आहे. विद्युत म्हणाला, "त्याने (मुख्य पात्र समीर) बायकोला परत मिळवणे चित्रपटाचा योग्य अंत नाही. इतका गोंधळ झाल्यानंतर समाजात यशस्वीरित्या जगणाऱ्या स्त्रीच्या (नर्गिसची व्यक्तिरेखा शिवलिका ओबेरॉय) प्रेमकथेची ही खरी सुरुवात आहे. दुसऱ्या अध्यायात, आम्ही तेच दाखवण्याची योजना आखली आहे. "

सत्य घटनेवर आधारित 'खुदा हाफिज' चित्रपटात नवविवाहित समीर (विद्युत) आणि नर्गिस (शिवलेका ओबेरॉय) या जोडप्याची कहाणी आहे.चांगल्या संधीच्या शोधात परदेशात काम करण्याचा निर्णय घेतात, जिथे नर्गिस हरवते.

कोविड -१९ च्या साथीमुळे हा चित्रपट ओटीटी प्लॅटफॉर्मवर प्रदर्शित झाला होता. चित्रपटाचे लेखक-दिग्दर्शक फारूक कबीर म्हणाले की, मला नेहमीच ही कहाणी पुढे नेण्याची इच्छा होती, परंतु मी प्रेक्षकांच्या प्रतिसादाची वाट पाहत होतो. कबीर पुढे म्हणाले, "हा फ्रँचायझी चित्रपट नाही. चॅप्टर २ हा शेवटचा भाग आहे आणि आम्ही तो मोठ्या पडद्यावर आणत आहोत."

'खुदा हाफिज चॅप्टर 2' हा चित्रपट 2021 च्या पहिल्या तिमाहीत फ्लोअरवर शूटिंगसाठी जाईल. निर्माता अभिषेक पाठक म्हणाले, "दुसरा भाग आश्चर्याने भरलेला असेल आणि यावेळी आम्ही हा चित्रपट प्रेक्षकांना थिएटरमध्ये दाखविण्यासाठी तयार आहोत."