मुंबई- ‘द व्हाईट टायगर’ या गाजलेल्या कादंबरीवर आधारित याच नावाचा चित्रपट प्रदर्शनासाठी सज्ज झाला आहे. नेटफ्लिक्सने सोमवारी व्हाईट टायगरचा अडीच मिनिटांचा थरारक ट्रेलर प्रदर्शित केला आहे. राजकुमार राव आणि प्रियंका चोप्रा जोनास यांच्या प्रमुख भूमिका यात आहेत.
अरविंद अडिगा यांनी लिहिलेल्या ‘द व्हाईट टायगर’मध्ये भारतातील वर्ग संघर्ष दाखवण्यात आलाय. एक श्रीमंत व्यक्ती आणि त्याच्या पत्नीचा ड्रायव्हर असलेल्या बलराम या गरीब व्यक्तीच्या दृष्टीकोनातून हा संघर्ष दाखवण्यात आलाय.
कथा जसजशी पुढे सरकते तसतशे त्या ड्रायव्हरच्या आयुष्यात धक्कादायक बदल घडतात. भारतातील दारिद्र्य, भ्रष्टाचार आणि वर्गाची स्थिती यात दर्शवण्यात आली आहे.