मथुरेत रंगणार ड्रीम गर्ल विरुध्द डान्सिंग गर्ल सपना चौधरीत सामना ?

हेमा मालिनींच्या विरोधात मथुरेतून डान्सर सपना चौधरी लढणार असल्याची चर्चा रंगत आहे...जाट मतदारांना आकर्षित करण्यात होऊ शकतो लाभ..काँग्रेस नेते सपनाच्या संपर्कात...

लोकप्रिय अभिनेत्री आणि भाजपच्या खासदार हेमा मालिनी मथुरा मतदार संघातून भाजपतर्फे निवडणूक लढवीत आहेत. त्यांचा विजय निश्चित मानला जात असतानाच त्यांच्यासमोर तगडे आव्हान उभे करण्याची रणनिती काँग्रेस आखत आहे. डान्सर सपना चौधरी या मतदार संघातून हेमा मालिनी यांच्या विरोधात काँग्रेसकडून निवडणूक लढवणार असल्याची सध्या चर्चा आहे.

सपना चौधरी सध्या लोकप्रियतेच्या कळसावर आहे. तिच्या ठुमक्याची एक झलक पाहण्यासाठी हजारोंची गर्दी होत असते. याच गोष्टीचा लाभ उठवण्याची काँग्रेसची चाल यशस्वी ठरु शकते. सध्या सपना चौधरीच्या संपर्कात काँग्रेस नेते आहेत.

मथुरा मतदार संघात जाट मतदारांची संख्या लक्षणीय आहे. सपना चौधरीची इथून उमेद्वारी जाहीर झाल्यास हा समाज काँग्रेससोबत येऊ शकतो. काँग्रेसने अद्याप अधिकृत याची घोषणा केलेली नाही अथवा बातमीला दुजोराही दिलेला नाही. परंतु सपना चौधरीची लोकप्रियता कॅश करण्याचा प्रयत्न निश्चित होऊ शकतो.