मुंबई - गायिका नेहा कक्कड नेहमीच सोशल मीडियावर व्हिडिओ शेअर करुन धमाल उडवत असते. आता तिने शेअर केलेला व्हिडिओ भरपूर चर्चेत आहे. तिने स्वतःच गायलेल्या 'दिलबर' या गाण्यावर चक्क बॅले डान्स करीत ठुमके लावले आहेत. या गाण्याला चाहत्यांसह बॉलिवूडमधील अनेकांनी पसंती दाखवली आहे.
आपल्या टॅलेंटने बॉलिवूडमध्ये स्वतःची स्वतंत्र ओळख निर्माण करणाऱ्या नेहाने इन्स्टाग्रामवर हा व्हिडिओ शेअर केलाय. याचे कॅप्शनमध्ये तिने लिहिलंय, 'जेव्हा मी स्वतःच्याच गाण्यावर डान्स करते'. यात ती 'दिलबर' या गाण्यावर थिरकली आहे.व्हायरल झालेला हा व्हिडिओ चाहत्यांना भावला आहे.