मुंबई -अभिनेता फरहान अख्तरसाठी मैलाचा दगड ठरलेला 'भाग मिल्खा भाग' चित्रपटाला ६ वर्षे पूर्ण झाली आहेत. या चित्रपटाने बॉक्स ऑफिसवर दमदार यश मिळवले होते. हा चित्रपट फरहानच्या करिअरमधला हिट चित्रपट ठरला होता. या चित्रपटाच्या आठवणींना उजाळा देत फरहानने एक खास पोस्ट सोशल मीडियावर शेअर केली आहे.
राकेश ओमप्रकाश मेहरा यांच्या दिग्दर्शनाखाली फरहानने 'भाग मिल्खा भाग' चित्रपटात मिल्खा सिंग यांची भूमिका साकारली होती. फरहानने या चित्रपटासाठी प्रचंड मेहनत घेतली होती. मिल्खा सिंग यांचे आयुष्य पडद्यावर उलगडण्यात तो यशस्वी ठरला होता. त्याच्यासाठी हा चित्रपट खूप खास ठरला होता. अभिनेत्री सोनम कपूरनेही त्याच्यासोबत या चित्रपटात भूमिका साकारली होती.