मुंबई -सोशल मीडियाच्या माध्यमातून बरेचजण हिट होण्याचा प्रयत्न करत असतात. यामध्ये 'टीक टॉक' या अॅपची प्रचंड क्रेझ पाहायला मिळते. या अॅपच्या माध्यमातून बरेच जण आपले व्हिडिओ शेअर करत असतात. मात्र, यामधून काही काही चेहरे हे आपल्यालाही संभ्रम निर्माण करणारे असतात. अशाच एका तरुणीचे टीक टॉक व्हिडिओ सध्या सोशल मीडियावर व्हायरल होत आहेत. ही तरुणी सौंदर्यांची खाण असलेल्या मधुबाला यांच्याप्रमाणेच दिसत असल्याचे नेटकऱ्यांचं म्हणणं आहे.
प्रियांका कांडवाल असे या तरुणीचे नाव आहे. तिने सोशल मीडियावर तिचे बरेच व्हिडिओ पोस्ट केले आहेत. हे सर्व व्हिडिओ मधुबाला यांच्या गाण्यांवर असल्याचं पाहायला मिळतं. विशेष म्हणजे या तरुणीचे हावभाव अगदी मधुबाला यांच्यासारखेच असल्याने तिच्या व्हिडिओला भरभरुन पसंती मिळत आहे.