मुंबई - सोशल मीडियावर सध्या 'बॉटल कॅप चॅलेज' ट्रेण्ड मध्ये आहे. #bottlecapchallenge असा हॅशटॅग वापरून बरेचजण हे आव्हान साकारण्याचा प्रयत्न करत आहेत. अक्षय कुमारने शेअर केलेल्या व्हिडिओनंतर तर हे चॅलेंज जास्तच प्रसिद्धी झोतात आले आहे. अक्षयनंतर टायगर श्रॉफ, सुष्मिता सेन, रोहमन शॉल, सुनील ग्रोव्हर, कुणाल खेमु यांनीदेखील आपल्या आपल्या अंदाजात हे चॅलेंज स्वीकारून पूर्ण केले. मग, यात मराठी कलाकार कसे मागे राहतील. मराठी कलाकारांनीही हे चॅलेज स्वीकारले आहे. त्याचे मजेशीर व्हिडिओ सोशल मीडियावर शेअर केले आहेत.
अभिनेता स्वप्नील जोशी, श्रेअस तळपदे आणि अमृता खानविलकर यांनी हे बॉटल कॅप चॅलेंज स्वीकारले आहे. या स्वप्नीलने शेअर केलेल्या व्हिडिओमध्ये तो चॅलेंज पूर्ण करत असताना सिद्धार्थ चांदेकर मध्येच येऊन बॉटल उचलून घेऊन जातो. त्यानेदेखील हा व्हिडिओ शेअर करून स्वप्नीलची माफी मागितली आहे.