मुंबई -आपला भारत देश हा विविध कलाकौशल्यामध्ये पारंगत आहे. देशाच्या कानाकोपऱ्यात काही ना काही कलागुण असलेल्या व्यक्ती आहेत. यापैकी काही सोशल मीडियाच्या माध्यमातून जगासमोर येतात. अशा कलाकारांना जगासमोर आणण्यासाठी कलाकार मंडळी देखील समोर येत असतात. सुप्रसिद्ध गायक शंकर महादेवन देखील अशा कलाकारांची भेट घेऊन त्यांचे व्हिडिओ सोशल मीडियावर पोस्ट करत असतात.
शंकर महादेवन यांनी अलिकडेच एका बासरी वादकासोबतचा व्हिडिओ शेअर केला आहे. हे बासरी वादक आसाम येथील असून त्यांचे नाव दिलीप हिरा, असे आहे. त्यांच्या बासरी वादनाने मंत्रमुग्ध होत शंकर महादेवन यांनी त्यांच्या बासरी वादनाचा व्हिडिओ शेअर केला.