मुंबई -बॉलिवूडची 'क्विन' कंगना रनौत ही सध्या जयललिता यांच्या जीवनावर आधारित बायोपिकमुळे चर्चेत आहे. या चित्रपटाशिवाय ती आगामी 'पंगा' चित्रपटातही भूमिका साकारणार आहे. काही महिन्यांपूर्वीच या चित्रपटाची घोषणा करण्यात आली होती. अलिकडेच या चित्रपटातील नवे पोस्टर प्रदर्शित करण्यात आले आहे. तसेच, चित्रपटाच्या ट्रेलरचीही तारीख जाहीर करण्यात आली आहे. अभिनेत्री नीना गुप्ता यांनी या चित्रपटाचं नवं पोस्टर सोशल मीडियावर शेअर केलं आहे.
कंगना रनौत, जस्सी गील, रिचा चढ्ढा आणि निना गुप्ता यांच्या या चित्रपटात मुख्य भूमिका आहेत. २३ डिसेंबरला या चित्रपटाचा ट्रेलर प्रेक्षकांच्या भेटीला येणार आहे. 'जो सपने देखते है वो पंगा लेते है', असे कॅप्शन देऊन या चित्रपटाचे पोस्टर प्रदर्शित करण्यात आले आहे. 'पंगा' हा एक स्पोर्ट ड्रामा आहे. यामध्ये कंगना कबड्डी खेळाडूच्या भूमिकेत दिसणार आहे.
हेही वाचा -'जो सपने देखते है वो पंगा लेते है', 'पंगा' चित्रपटाचा ट्रेलर 'या' दिवशी होणार प्रदर्शित