मुंबई -केजीएफ स्टार यश आणि सध्या 'केजीएफ चॅप्टर २' चित्रपटाच्या शूटिंगमध्ये व्यग्र आहे. प्रशांत नील हे या चित्रपटाचे दिग्दर्शन करत आहेत. 'केजीएफ' चित्रपटानंतर यशची बॉलिवूडमध्येही लोकप्रियता वाढली आहे. अलिकडेच त्याचा त्याच्या पत्नीसोबतचा एक डान्स व्हिडिओ व्हायरल झाला आहे. या व्हिडिओमध्ये तो बॉलिवूडचे रोमॅन्टिक 'तुम ही हो' या गाण्यावर डान्स करताना दिसतो.
यश आणि त्याची पत्नी गायत्री पंडीत यांच्या या व्हिडिओवर चाहत्यांच्या बऱ्याच प्रतिक्रिया पाहायला मिळत आहेत.
हेही वाचा -जोनास ब्रदर्सच्या नव्या गाण्यात निक-प्रियांकाचा रोमॅन्टिक अंदाज, पाहा व्हिडिओ
काही दिवसांपूर्वीच यशच्या पत्नीने त्यांच्या दुसऱ्या मुलाला जन्म दिला. एका माध्यमाशी बोलताना गायत्री म्हणाली होती, की ती सध्या आई आणि पत्नी या दोन्ही भूमिका खूप चांगल्या पद्धतीने पार पाडत आहे.