मुंबई - बॉलिवूडमध्ये सध्या स्टारकिड्सची चर्चा पाहायला मिळते. मागच्या वर्षीपासून बऱ्याच स्टारकिड्सनी बॉलिवूडमध्ये एन्ट्री घेतली आहे. बोनी कपूर आणि श्रीदेवी यांची मुलगी जान्हवी हिनेही 'धडक' चित्रपटातून बॉलिवूड पदार्पण केलं होतं. या चित्रपटानंतर तिची बऱ्याच चित्रपटांमध्ये वर्णी लागली आहे. आता बोनी कपूरच्या आगामी चित्रपटामध्येही ती मुख्य भूमिका साकारणार आहे.
चित्रपट समीक्षक तरण आदर्श यांनी याबाबतची माहिती सोशल मीडियावर शेअर केली आहे. बोनी कपूर यांच्या आगामी चित्रपटाचं नाव 'बॉम्बे गर्ल' असं राहणार आहे. संजय त्रिपाठी हे या चित्रपटाचं दिग्दर्शन करणार आहेत. तर, बोनी कपूर आणि महावीर जैन हे या चित्रपटाची निर्मिती करतील.