मुंबई -बाळाचे पाय पाळण्यात दिसतात, असं नेहमीच म्हटलं जातं. ही म्हण खरी करणारा एक व्हिडिओ सध्या सोशल मीडियावर व्हायरल होत आहे. कारण, या व्हिडिओत एका चिमुकल्याने केलेला डान्स सोशल मीडियावर चर्चेचा विषय बनला आहे. लहानपणापासूनच असा अफलातून डान्स करणारा हा चिमुकला आज बॉलिवूडचा सुपरस्टार आहे.
हेही वाचा -गुन्हेगारी जगाचा वेध घेणारा 'आयपीसी ३०७ ए', अभिनेता सचिन देशपांडे मुख्य भूमिकेत
होय, व्हिडिओत दिसणारा हा चिमुकला बॉलिवूडचा हॅन्डसम हंक हृतिक रोशन आहे. अभिनेत्यासोबतच सर्वोत्कृष्ट डान्सर म्हणून हृतिकची ओळख आहे. त्याच्या स्टेप्समध्ये त्याचा हात कोणीही पकडू शकत नाही. मात्र, हृतिक हा लहानपणापासूनच उत्कृष्ट डान्सर असल्याचं या व्हिडिओवरुन स्पष्ट होत आहे.
हेही वाचा - 'दोन स्पेशल' कार्यक्रमात प्रशांत दामले - कविता लाड उलगडणार रंगतदार किस्से
हृतिकची आई पिंकी रोशन यांनी त्यांच्या इन्स्टाग्राम अकाऊंटवरुन हा व्हिडिओ शेअर केला आहे. एका कार्यक्रमातील हा व्हिडिओ आहे. या व्हिडिओत लहानग्या हृतिकचा धमाल डान्स पाहायला मिळतो. सोशल मीडियावर हृतिकच्या या बालपणीच्या व्हिडिओला भरभरुन प्रतिक्रिया मिळत आहेत.