अजय-तब्बूच्या जोडीची चाहत्यांना भूरळ, 'दे दे प्यार दे'च्या कमाईत तिसऱ्या दिवशीही वाढ

या चित्रपटाला पहिल्याच दिवसापासून प्रेक्षकांचा भरभरुन प्रतिसाद मिळाला आहे. पहिल्या दिवशी या चित्रपटाने १०.४१ कोटींची कमाई केली होती. दुसऱ्या दिवशीदेखील या चित्रपटाच्या कमाईत भर पडली होती. आता तिसऱ्या दिवशीचेही कमाईचे आकडे समोर आले आहेत.

मुंबई -अजय देवगण, रकुल प्रीत आणि तब्बू यांच्या मुख्य भूमिका असलेला 'दे दे प्यार दे' चित्रपट नुकताच प्रदर्शित झाला आहे. या चित्रपटाला पहिल्याच दिवसापासून प्रेक्षकांचा भरभरुन प्रतिसाद मिळाला आहे. पहिल्या दिवशी या चित्रपटाने १०.४१ कोटींची कमाई केली होती. दुसऱ्या दिवशीदेखील या चित्रपटाच्या कमाईत भर पडली होती. आता तिसऱ्या दिवशीचेही कमाईचे आकडे समोर आले आहेत. या आकड्यांवरून अजय आणि तब्बूच्या जोडीची छाप प्रेक्षकांवर पडल्याचे पाहायला मिळतेय.

बॉक्स ऑफिस कलेक्शन

दरम्यान शनिवार आणि रविवारच्या सुट्ट्यांचा फायदाही चित्रपटाच्या कलेक्शनला झाला आहे. रविवारी या चित्रपटाने १४.७४ कोटींची कमाई केली आहे. चित्रपट समीक्षकांसह प्रेक्षकांनीही या चित्रपटाची प्रशंसा केली आहे. अजय-तब्बूच्या जोडीसह अभिनेत्री रकुल प्रित हिनेही आपल्या अभिनयाची छाप पाडली आहे.

'दे दे प्यार दे'

या चित्रपटाची निर्मिती लव्ह रंजन यांची आहे. तर अकिव अली यांनी या चित्रपटाचे दिग्दर्शन केले आहे. आता हा चित्रपट बॉक्स ऑफिसवर आणखी किती गल्ला जमवणार हे पाहणं औत्सुक्याचं ठरणार आहे.