भारतीय क्रिकेट संघाने १९८३ मध्ये झालेल्या क्रिकेट विश्वचषकात पहिल्यांदाच विजेतेपद पटकावले होते. यावर आधारित '८३ द फिल्म' हा चित्रपट येतोय. रणवीर सिंग यात कपील देवची भूमिका साकारतोय. ८३ च्या भारतीय क्रिकेट संघात 'मुंबई का सँडस्ट्रॉम' अशी ओळख असलेल्या संदिप पाटील याचा समावेश होता. या भूमिकेसाठी त्याच्या मुलाचीच निवड झाली आहे.
'83 द फिल्म' : संदिप पाटीलची भूमिका साकारणार त्याचाच मुलगा चिराग पाटील
१९८३ मध्ये झालेल्या क्रिकेट विश्वचषकात भारतीय संघाने पहिल्यांदाच विजेतेपद पटकावले होते. यावर आधारित '८३ द फिल्म' चित्रपटात संदिप पाटील यांची भूमिका त्यांचा मुलगा चिराग पाटील साकारणार आहे.
'83 द फिल्म'
क्रिकेटर संदिप पाटील यांचा मुलगा चिराग पाटील वडिलांची भूमिका साकारणार आहे. संदिप पाटीलच्या भूमिकेतील त्याचे पोस्टर नुकतेच रिलीज करण्यात आलंय. ट्रेड अॅनालिस्ट तरण आदर्श यांनी हे पोस्टर शेअर केलंय.
चिरागसाठी ही मोठी संधी आहे. पोस्टरमध्ये तर तो हुबेहुब संदिप पाटलांसारखा दिसतोय. तो पडद्यावर कसे दिसणार याकडे सर्वांचे लक्ष लागले आहे. '83 द फिल्म' या चित्रपटाचे दिग्दर्शन कबीर खान करीत आहेत.