गायिका कनिका कपूरच्या जीवलग मैत्रिणीचे निधन, शेअर केली भावनिक पोस्ट

अ‌ॅनाबेल ही कनिकासाठी बहिणीप्रमाणेच होती. त्यामुळे तिच्या निधनामुळे तिला अत्यंत दु:ख झाले आहे. कनिकाच्या या भावूक पोस्टनंतर तिच्या मित्रमंडळींकडून आणि चाहत्यांकडून शोक व्यक्त करण्यात येत आहे.

मुंबई - बॉलिवूडची प्रसिद्ध गायिका कनिका कपूरच्या जीवलग मैत्रिणीचे निधन झाले आहे. अ‌ॅनाबेल असे तिच्या मैत्रीणीचे नाव आहे. खुद्द कनिकाने तिच्या इन्स्टाग्राम अकाऊंटवरुन ही दु:खद बातमी चाहत्यांसोबत शेअर केली आहे.

कनिकाने इन्स्टाग्रामवर आपल्या मैत्रिणीसोबतचे अनेक फोटो आणि व्हिडिओ शेअर केले आहे. 'माझ्या बहिणीचे निधन झाले आहे. देव तिच्या आत्म्यास शांती देवो. मी माझे दु:ख शब्दांमध्ये नाही सांगू शकत नाही. हा दिवस माझ्या आयुष्यातील सर्वात वाईट दिवस आहे.'

अ‌ॅनाबेल ही कनिकासाठी बहिणीप्रमाणेच होती. त्यामुळे तिच्या निधनामुळे तिला अत्यंत दु:ख झाले आहे. कनिकाच्या या भावूक पोस्ट नंतर तिच्या मित्रमंडळींकडून आणि चाहत्यांकडून शोक व्यक्त करण्यात येत आहे.

कनिका कपूर २०१२ मध्ये आलेल्या 'जुगनी जी'या म्यूझीक व्हिडिओ नंतर प्रसिद्धीझोतात आली. त्यानंतर तिनी 'रागिनी एमएमएस २' चित्रपटामध्ये 'बेबी डॉल' गाण्याला आवाज दिला होता. बॉलिवूडच्या अनेक हीट गाण्यांमागे कनिकाचा आवाज आहे.