तापसीनं शेअर केला विद्यासोबतचा फोटो; म्हणाली, माझी आवडती व्यक्ती

ट्रेलर लॉन्च इव्हेंटदरम्यानचा एक फोटो तापसीनं आपल्या इन्स्टाग्राम अकाऊंटवरून शेअर केला आहे. तापसी आणि विद्याचा हा फोटो आहे. ज्यात दोघींच्याही चेहऱ्यावरी हास्य पाहायला मिळत आहे. तापसीनं या फोटो खास कॅप्शनही दिलं आहे.

मुंबई - बॉलिवूड अभिनेत्री तापसी पन्नू आतापर्यंत अनेक महिला केंद्रित चित्रपटांतून प्रेक्षकांच्या भेटीला आली आहे. आता लवकरच ती मिशन मंगल चित्रपटात झळकणार आहे. याच चित्रपटाच्या ट्रेलर लॉन्च इव्हेंटदरम्यानचा एक फोटो तापसीनं आपल्या इन्स्टाग्राम अकाऊंटवरून शेअर केला आहे.

तापसी आणि विद्याचा हा फोटो आहे. ज्यात दोघींच्याही चेहऱ्यावरी हास्य पाहायला मिळत आहे. तापसीनं या फोटो खास कॅप्शनही दिलं आहे. माझा आवडता फोटो, आवडते हावभाव, आवडता क्षण आणि सगळ्यात महत्त्वाचं आवडती व्यक्ती, असं तापसीनं कॅप्शनमध्ये म्हटलं आहे.

दरम्यान भारताच्या मंगळ मोहिमेवर आधारित 'मिशन मंगल' चित्रपटात तापसी आणि विद्याशिवाय अक्षय कुमार, सोनाक्षी सिन्हा, शरमन जोशी या कलाकारांच्याही महत्त्वाच्या भूमिका असणार आहेत. या चित्रपटाचं दिग्दर्शन जगन शक्ती करणार असून १५ ऑगस्टाल सिनेमा प्रदर्शित होणार आहे.